Биылғы CERC жарысы тарихта алғаш рет ергежейлілер командасын қабылдап отыр. Ергежейлілер есеп шығаруды өте ұзақ уақыт бойы жаттықтырды және жарыста барын салуға бел буды. Жарыс аяқталмай тұрып, олар осы тамаша шараны есте сақтау үшін үйлеріне мағыналы естелік алып қайтуды қалайды. Олар сәтті жіберілім (submission) жасап жатқан сәтте өздерінің командалық орнында суретке түсуді ұйғарды. Олар жіберетін шешімді дайындап қойды және суретке түсіріп беретін еріктіні де тапты. Енді олар суретте қандай ретпен тұратынын шешуі керек.

Үш ергежейлінің әрқайсысының футболкасында бірнеше әріп жазылған, және олар суретте футболкаларындағы біріктірілген жолдар cerc жолын құраса, өте күлкілі болатынын түсінді. Бұл жол команданың тек бір бөлігінен ғана құралуы мүмкін: футболкалары cerc жолын құрауға қатыспайтын ергежейлілер бұл сурет үшін шетке ығыса тұрады да, кейінгі суреттерге түседі.

Ергежейлілерге суретке олардың қайсысы және қандай ретпен түсуі керектігін шешуге көмектесіңіз. Олардың футболкаларындағы біріктірілген жолдар cerc жолын тек ішкі жол ретінде қамтып қана қоймай, дәл сол cerc жолын құрауы тиіс.

Кіріс деректер

Кіріс деректер үш жолдан тұрады. $i$-ші жолда $i$-ші ергежейлінің футболкасындағы жазу берілген.

Шығыс деректер

Егер команда суретте cerc жолын құрай алмаса, NO сөзі бар жалғыз жолды шығарыңыз.

Әйтпесе үш жол шығарыңыз:

1. Бірінші жолда YES деп шығарыңыз.
2. Екінші жолда cerc жолын құрайтын ергежейлілердің санын шығарыңыз.
3. Үшінші жолда осы ергежейлілердің индекстерін суретте көрінуі тиіс ретімен шығарыңыз.

Егер шешімдер көп болса, кез келгенін шығарыңыз.

Кірістегі әрбір жол латын әліпбиінің кіші әріптерінен тұрады және оның ұзындығы 1-ден 5-ке дейін болады.

Мысалдар

Кіріс деректер 1

abc
rc
ce

Шығыс деректер 1

YES
2
3 2

Кіріс деректер 2

cer
cr
icpc

Шығыс деректер 2

NO